Fondacioni për zhvillimin e arsimit dhe kulturës ALBIZ ju fton të merrni pjesë në “Panairin e bizneseve të Komunës së Sarajit “.
Panairi do të mbahet më 25 Janar 2020 (e shtunë) me fillim në ora 10:30 në hapësirat e restorantit Korabi, në Saraj .
Në kuadër të panairit do të realizohet promovimi i Katalogut të Komunës së Sarajit, si dhe prezantimi i produkteve dhe shërbimeve të kompanive.
Ky panair është eveniment tradicional që realizohet në kuadër të Komunës Saraj e që ka për qëllim promovimin dhe afirmimin e bizneseve që gravitojnë apo kanë origjinë nga kjo komunë.
Gjatë panairit, të pranishmëve do t`u drejtohen ministri i Ekonomisë z. Bekteshi dhe kryetari i Komunës së Sarajit z. Bexheti.
Pjesëmarrja Juaj do të jetë kënaqësi dhe nder për ne .