Flamuri shqiptar valëvitet te seriali “The Simpsons”.

12:58:22                   2017-03-26

Ai është një ndër serialet më të shikuara në Shtetet e Bashkuara të Amerikës, por jo vetëm. Edhe në Shqipëri ka fansat e tij që e preferojnë shumë. E si për t’i kënaqur këta të fundit, në pjesën e 12-të të sezonit 21, „The Simpson” i ka kushtuar vend edhe Shqipërisë gjatë minutës së 10-të.

Një delagacion olimpik shqiptar me veshje tipike shqiptare që mban në dorë flamurin kuq e zi, paraqitet duke bërë paradë. Nga pamjet kuptohet që skenaristi i serialit është njohës i kulturës shqiptare, sepse në veshjen e personazheve nuk ka gabuar dhe u ka vendosur edhe nga një plis në kokë personazheve që përfaqësojnë delegacionin shqiptar. (Gazeta Shqip)