FC Iliria Hagen e pikëlluar për vdekjen e papritur të bashkatdhetarit Almir Peci

20:24:58             2019-05-31

Bashkatdhetari 29-vjeçar nga fshati Zhazhë i Mitrovicës, Almir Peci, papritmas ka ndërruar jetë të martën në Gjermani. Lajmin e hidhur e kanë konfirmuar familjarët e tij, ndërsa ngushëllime ka shprehur edhe klubi shqiptar i futbollit në Gjermani, FC Iliria nga Hageni, informon Shtegu.com.

Në një postim të tyre në Facebook, ekipi ka shkruar:

„Disa prej jush tashmë e kanë vënë re. Gjatë natës, lojtari dhe zëvendëskapiteni, Almir Peci është larguar nga ne. FC Iliria Hagen është e pikëlluar për humbjen e një lojtari të mirë dhe një njeriu edhe më të mirë. Gjatë këtyre orëve të vështira, mendimet tona janë me familjen e tij.
Almir miku im, lutem që parajsa t`i ketë përgatitur të gjitha të mirat për ty dhe pusho në paqe. Lamtumirë, Moki“.