Enter Air i këndellur që do të fillojë bashkëpunimin me Air Prishtina

111 Lexime

Në dimrin e periudhës 2020/21, linja ajrore polake „Enter Air“ do të fluturojë në emër të Air Prishtina si një charter i plotë nga Bazeli për në Prishtinë. Katër herë në javë – të mërkurën, të premten, të shtunën dhe të dielën – kryeqyteti kosovar do të shërbehet nga qyteti që gjendet në trekëndëshin kufitar. Për të siguruar këtë lidhje, në fillim të Tetorit Enter Air stacionoi një nga 24 avionët e tij në EuroAirport. Bëhet fjalë për një avion Boeing 737-800 me 189 vende, informon Shtegu.com.

„Me vendosjen e një avioni në Euroairport, duam të hedhim themelin për një bashkëpunim afatgjatë me aeroportin Basel-Mulhouse-Freiburg dhe të zgjerojmë vazhdimisht biznesin tonë në trekëndësh“, thotë Andrzej Kobielski, CCO i Enter Air, dhe shton: „Me Air Prishtina, ne kemi një partner të fortë në krah, i cili është i vendosur në rajon dhe që na e bën shumë më të lehtë hyrjen në tregun e Bazelit“. Për verën e vitit 2021, Enter Air planifikon, përveç fluturimeve ballkanike për Air Prishtina, të përfshijë fluturime drejt destinacioneve turistike në emër të operatorëve të ndryshëm turistikë në orarin e fluturimeve. Aktualisht janë duke u zhvilluar përgatitjet përkatëse.