EKSKLUZIVE: Shqiptari kishte kontakte me holandezin që mbajti të ngujuar familjen për vite të tëra

Për vite të tëra, familja e tij jetonte e izoluar nga bota e jashtme në një fermë. Një mik i tij shqiptar i Internetit thotë se Gerrit-Jan van D. është keqkuptuar.

Përderisa ai kishte menduar të izolonte familjen e tij me gjashtë fëmijë, për vite me radhë në një fermë në Ruinerëold (NL), Gerrit-Jan van D. kaloi mijëra orë në internet. Aty, ai tregonte se si njerëzimi, sipas mendimit të tij, mund ta luftonte më së miri me të keqen dhe të punonte në një lloj ungjilli. Përveç kësaj, mund të gjenden postime me foto maceje ose udhëzime Tai-Chi.

Sidoqoftë, disa nga artikujt janë shkruar nga një bashkautor i quajtur Joseph Greenëood. Në këtë rast, emri tregon të dyshuarin e dytë, austriakun Josef B. (58).

«Të jetë në burg është një fiasko»

Një mik shqiptar i Internetit tani ka postuar një fotografi të babait të dashur. Shqiptari Eljon Kaja i ka deklaruar të përditshmes holandeze „AD“: „Ai ishte i mirë për fëmijët e tij. Ai i donte ata, dhe ata e donin atë”. Kohët e fundit, shqiptari pohoi se për herë të fundit kishte kontakt me 67-vjeçarin më 12 tetor.

Një mik tjetër në Facebook thotë se Gerrit-Jan van D. nuk do t’i lëndonte kurrë fëmijët e tij dhe faktin që babai tani është në burg e quan një “fiasko”.

Van D. dyshohet për privim të lirisë, pastrim parash dhe keqtrajtim. Ai thuhet se është takuar me Josef B., i cili është ende në paraburgim, në sektin Moon. Van D., është dashur të paraqitet në gjykatë të hënën, më 21 tetor. Paraburgimi i tij është zgjatur për 14 ditë.