EKSKLUZIVE: Djaloshi tetovar pushton gastronominë gjermane, pronar i tre restoranteve

Në kuadër të bashkimit familjar, edhe Armin Sadiki nga Grupçini i Zhelinës vendosi të shkojë në Gjermani dhe ta realizojë ëndrrën e tij në sferën e gastronomisë. I kishte vetëm 16 pranvera kur ai iu përvesh studimeve në fushën e hotelierisë, dukë përfunduar me sukses shkollimin në gjuhën gjermane. Pas kësaj, ai filloi të ushtrojë profesionin e tij në këtë fushë duke menaxhuar fillimisht një restorant, një të dytë dhe së fundmi edhe një të tretë.

E përditshmja gjermane “MOZ.DE” ka shkruar se restoranti „Am Yachthafen“ në Fürstenberg, për herë të katër është duke ndryshuar pronarin. Kësaj radhe, pronari ri është kush tjetër, përpos Arminit, I cili të hënën ka nënshkruar kontratën me shefin e mëparshëm Joachim Schock dhe Jochen Kühn, informon Shtegu.com.

Në të shumtën e rasteve, Armini shërben specialtete italiane, ndërsa mysafirët e shumtë gjermanë e të tjerë, gjithnjë ndahen të kënaqur nga specialitetet e tij. Nëpër restorantet e tij, Armini ka të punësuar mbi tridhjetë punëtorë.