10:14:23 2016-01-14
Kryetari i nderit i Odës Ekonomike të Maqedonisë Veriperëndimore, afaristi i njohur shqiptar nga Maqedonia dhe drejtori i SH.A. „Dauti Komerc“, Xhemail Dauti po qëndron për një blic vizitë private në Zvicër. Gjatë një takimi spontan me redaktorin e „Shtegu.com“, Xhemaili nuk përtoi të flasë për rrethanat ekonomike në Maqedoni, me një theks të veçantë për bashkëpunimin e ndërsjellë në mes „Dauti Komerc“ dhe USHT-së, të arriturat e Odës Ekonomike të Maqedonisë Veriperëndimore, si themelues i saj, ndihmat e shpërndara të kompanisë së tij etj. etj.
U bisedua gjithashtu edhe për ruajtjen e ambientit të pastër ekologjik, duke marrë si shembull fshatin Bojanë të Shkupit, përndryshe vendlindja e tij, në të cilin fshatarët janë vetëdijësuar në masë të madhe në këtë drejtim, duke ndarë mbeturinat e ndryshme në vendet përkatëse. Në bisedë e sipër, Xhemaili zbuloi edhe të mahniturit e tij për Zvicrën, si një shtet ku gjithçka është në vend të saj, gjithçka funksionon përmes ligjit, ndërsa i impresionuar nga vendparkimet e përpikta, ai premtoi se me tu kthyer në Maqedoni, përmes Odës Ekonomike të Maqedonisë Veriperëndimore, do të inicojë rregullimin e vendparkimeve në Maqedoni, në stilin zviceran, në mënyrë që të evitohen mosmarrëveshjet rreth këtij problemi.
Përndryshe, “Dauti Komerc” nga disa të punësuar, është rritur në një kompani gjigante e cila sot numëron në Maqedoni afër 500 të punësuar.Kompania Dauti veprimtarinë e vet e ushtron edhe ne Kosovë, Malë të Zi dhe Shqipëri. Në këto 3 shtete ka të punësuar 350 të punësuar ku ka menaxhment të shkëlqyeshëm. (Shtegu.com)
