Edhe New York Times reagon për foshnjen e urryer në Austri

12:20:34                 2018-01-05

Si kundëriniciativë e „mirëseardhjes“ së neveritshme austriake për foshnjen e parë të lindur në këtë vit në Vjenë të Autrisë, sekretari gjeneral i Caritasit austriak ka inicuar një apel për eleminimin e urrejtjes ndaj foshnjes Asel. Apeli i tij është shpërndarë rreth 10.000 herë. Por, ai tash është jashtë përdorimit.

Sipas një artikulli të gazetës austriake „Heute“, foshnja e parë e lindur në këtë vit në Vjenë, quhet Asle. Ajo u lindë më 01.01.2018 në orën 00.47. Ende pa i mbushur 24 orë në këtë botë, ajo dhe prindërit e saj e ndjenë mënyrën brutale se në çfarë bote është lindur. Një urrejtje e jashtzakonshme e goditi familjen e re. Arsyeja ka qenë prejardhje familjes nga Turqia, ndërsa nëna e re mbante në kokë një shami. Për fat të mirë, foshnja e porsalindur nuk ka kuptuar asgjë nga situata.

Shumica e lexuesve i kanë uruar çiftit të ri lindjen e foshnjes. Por, shumica e të tjerëve janë zbrazur ndaj familjes me urrejtje të paparë, duke e ofenduar e fyer në mënyrë të ashpër, bile disa i kanë uruar edhe vdekjen.

Me këtë rast, sekretari gjeneral i Caritasit austriak, Klaus Schwertner ka inicuar një kundëriniciativë, e cila pas 24 orëve është komentuar rreth 10 mijë herë dhe shpërndarë 9 mijë herë. Bile edhe gazeta amerikane „New York Times“ e ka përkrahur aksionin e Schëertnerit.

„Nuk dua ta pranoj në këtë mënyrë lindjen e një foshnje dhe për këtë qëllim jam duke grumbulluar komente me urime, lajme të mira dhe mirëpritje të foshnjes dhe prindërve të tyre. Këto komente dua t`i shtypë të gjitha dhe t`ia dorëzoj familjes. Unë i dëshiroj një mirëseardhje të vërtetë foshnjes Asel. Kush është me mua?“, ka qenë apeli i Schwertnerit.

Dy ditë më vonë, shefi i Facebookut, Mark Zuckerberg e ka deaktivizuar postimin e tij pa paralajmërim, shkruan në llogarinë e tij në Facebook Schwertner. Ai ka postuar një përmbajtje tjetër duke e pyetur shefin e Facebookut përse postimi i tij me tiutll #floëerrain është fshirë. (Shtegu.com)