19:42:18 2019-05-10
Një shtetasit kosovar që dyshohet se e ka vrarë bashkëshorten e tij dhe të mbështjellur në një thes e ka hedhur në Rhein-Herne-Kanal në Oberhausen, procesi gjyqësor do t`i bëhet në një gjykatë kosovare. Autoritetet gjermane, tani rastin për vrasje e kanë kaluar tek kolegët e tyre në Kosovë, ka deklaruar një zëdhënës i zyrës së prokurorisë së Duisburgut, shkruajnë mediat gjermane, përcjell Shtegu.com. Për këtë qëllim, është transferuar edhe një pako voluminoze e akteve në formë elektronike dhe në letër. Kjo tani duhet të përkthehet në gjuhën shqipe, veprim që është ende në rrjedhë e sipër. Procedura do të zhvillohet në Kosovë, pasi Gjermania dhe Kosova nuk i ekstradojnë qytetarët e tyre.
Zbulimi i kufomës në kanal, në muajin prill të vitit të kaluar kishte shkaktuar mjaft tronditje. Thesi me kufomën ishte rënduar nga uji, mirëpo pastaj kishte dal mbi sipërfaqen e ujit, ndërsa e kishte gjetur një kanuist në një pasdite të së dielës në Konrad-Adenauer-Allee. Sipas prokurorit të atëhershëm përgjegjës, i dyshimtë i menjëhershëm u shpall bashkëshorti i saj 37-vjeçar. Motivi i tij i mundshëm: Dyshohet se ai ka pasur mosmarrëveshje martesore përpara aktit, të cilat pastaj mund të jenë përshkallëzuar.
Menjëherë pas krimit, 37-vjeçari ishte zhdukur. Më vonë, ai u kërkua edhe me urdhërarrest europian, njofton Shtegu.com. Më pas, i dyshuari është arrestuar në vendlindje. Të paktën në afat të shkurtër, e kanë dërguar këtë informacion në Duisburg autoritetet kosovare. Ai nuk ishte pronocuar mbi akuzat. Nëse tani ende është në liri, prokurori i Duisburgut nuk ka njohuri.
Dyshohet se kjosovari e ka vrarë bashkëshorten e tij një vit më të re „me forcë të konsiderueshme të goditjeve në kokë dhe pjesën e sipërme të trupit“ përpara se ta fundos në kanal. Hetuesit besojnë se trupi ka qëndruar për disa ditë në ujë para se të zbulohej. Bashkëshortët kishin tre fëmijë. Vajza e rritur mbeti prapa në Gjermani. Të dy djemtë e mitur, i ati i kishte marrë me sa duket gjatë kthimit të tij në vendlindje. Mediat në Kosovë kanë raportuar se bëhet fjalë për një gjilanas.
