E PABESUESHME: Ndalet furgoni i ngarkuar me nëntë tonelata më tepër

21:31:57                 2019-04-21

Të premten, xhandarmeria franceze e qytetit Poussan në Herault (F), ka ndalur një furgon që po lëshonte autostradën në dalje të Sète. Pas matjes së automjetit, ata kanë konstatuar një mbipeshë prej nëntë tonelatash.

Automjeti u shkarkua deri në atë peshë sa është e lejuar, shkruajnë mediat franceze, përcjell Shtegu.com. Vozitësi është gjobitur dhe do të duhet të paguajë një gjobë prej 1620 eurosh.

Në llogarinë e saj në Facebook, xhandarmeria e Herault përkujton „se një ngarkesë shumë e rëndë zgjat distancën e frenimit dhe e bën të vështirë kontrollin e automjetit“.