E lodhi izolimi nga koronavirusi, shqiptari në Gjermani filloi të zinte trumcakë mbi çati

259 Lexime

Një shqiptar 47-vjeçar, ka përdorur metoda të ndryshme me rrjete e me kafaze për të zënë trumcakë të njohur si zogj të argjentë apo goldfinch, në tarracën e çatisë së tij në qendër të qytetit Krefeld. Pastaj ai i vendoste nëpër kafaze më të vegjël në mënyrë që ata të tërheqnin anëtarët e tjerë të kësaj specie që është e njohur për shkak të këndimit melodik dhe pllakosjes së bukur. Të hënën, policia gjermane ka arritur t`i lirojë tetë trumcakët e egër të mbrojtur me ligj.

Dëshmitarët kishin njoftuar autoritetet se kishin vërejtur kafaze dhe rrjete në tarracë, shkruajnë mediat gjermane, transmeton Shtegu.com. Policia menjëherë mori shpejt një urdhërkërkimi nga gjykata e rrethit dhe arriti në tarracë rreth orës 11:00 të mëngjesit. Atje gjetën tetë trumcakë në kafaze, të cilët shqiptari nga Krefeldi po i mbante brenda tyre. Përveç kësaj, ka pasur edhe kafaze të tjerë të hapur, që të mund të vinin edhe trumcakë të tjerë.

 

Ky lloj zogu, i përket një specie këngëtarësh që mbrohet veçanërisht në të gjithë Europën sipas Ligjit federal i mbrojtjes së natyrës. Në vitin 2016 u shpall si Zogu i Vitit nga Shoqata për mbrojtjen e natyrës (NABU).

Veçanërisht i popullarizuar si zog shtëpie, ai është i njohur në shtetet e Magrebit, ku me siguri mbahet në mbi 15 milionë familje. Ata janë gjithashtu të njohur në vende si Shqipëria, Turqia dhe Siria. Qendra kryesore e tyre është Mesdheu, ku për një trumcak të gjinisë mashkullore ofrohen deri në 200 euro.