E fshehu në vend të sigurt, por kundërmonte shumë

16:07:24                   2019-05-22

Vendi ku e kishte fshehur kokainën ishte i përsosur, por kundërmimi ishte shumë i rëndë: Gjatë një kontrolli të policisë gjermane, oficerët federalë gjetën mbi një kilogram kokainë në një vend të fshehur në karrigen e veturës.

Kontrolli është realizuar në A3 në afërsi të Elten, me ç`rast është zbuluar mbi një kilogram kokainë, shkruajnë mediat gjermane, përcjell Shtegu.com. Në kuadër të kontroolit ndaj një shqiptari 29-vjeçar, oficerët vërejtën një erë të fortë kimike përbrenda automjetit. Me këtë rast, vetura e llojit Mercedes, u bastis më hollësisht.

Zyrtarët zbuluan një vend të fshehur në karrigen e pasme, ku u gjetën gjithsej 1050 gramë kokainë. Droga është konfiskuar, ndërsa hetimin e mëtutjeshëm e ka marr përsipër Zyra e hetimeve doganore në Essen. Korrieri i drogës aktualisht është në paraburgim.