09:42:06 2017-01-21
Një zjarr ka përfshirë një pallat në zonën e Freskut, pranë Thesarit në Tiranë dhe për fat të keq një nënë humbi jetën.
“Panorama” sjell foton e viktimës, e cila humbi jeten si pasoje e zjarrit ne pallatin ku banonte.
Sipas informacioneve nga vendi i ngjarjes, zjarri ka rënë në kabinën e ashensorit dhe flakët kanë djegur kabujt e tij, brenda të cilit ndodhej një grua e cila është gjetur e pajetë.
“Panorama” mësoi edhe emrin e të resë, Drilona Durici (Tifekçiu). Trupi i saj eshte karbonizuar nga flaket.
29-vjeçarja ka qene duke hyre per ne banese kur ra zjarri, pasi kishte bere pazar dhe ne dore kishte çantat me ushqime. Mesohet se gruaja ishte e martuar dhe me nje femije, teksa bashkeshortin e kishte ne Gjermani.
Gjithashtu banore te tjere rrezikoheshin nga tymi dhe asfiksia.
Mendohet që një shkarkesë elektrike shkaktoi zjarr, i cili u ndihmua nga vajrat lubrifikante të ashensorit, që i ndezën flakët menjëherë, pa i dhënë mundësi viktimës të përpiqej të dilte prej andej.
Ashensori kishte një depozitë të madhe vaji, i cili ra menjëherë në kontakt me zjarrin. Tymrat e shumtë të dalë nga ky zjarr bllokuan pothuaj të gjitha shkallët e pallatit 8-katësh, që vuri në panik të gjithë banorët që ndodheshin në apartamente, shkruan “tch”.
Forca të shumta zjarrfikëse mbërritën në vendin e ngjarjes dhe evakuuan banorët e pallatit, teksa bene te mundur shuarjen e zjarrit rreth ores 10:45. Nuk dihet ende shkaku i zjarrit.
Dëshmitë/ Zjarri në Tiranë, banorët: Nuk dëgjuam të bërtitura por pamë tymin, s’kishim ujë
“Nuk dëgjuam të bërtitura por pamë tymin dhe flakët”. Kështu ka thënë një tjetër banor i pallatit pranë zonës së “Freskut” në Tiranë për BalkanWeb.
Ata kanë thënë se kanë ndjerë erën e tymi dhe kanë parë flakët që kishin përfshirë ashensorin në katin e katërt të pallatit. (PANORAMA)