Të premten rreth orës 01.45 të mëngjesit, një djalosh 19-vjeçar ishte viktimë e një sulmi me thikë në shkallët përpara banesës së tij, në lindje të Karlsruhe. Nga plagët e marra, ai vdiq në vendngjarje. Kështu u komunikua nga policia dhe zyra e prokurorit publik në Karlsruhe
Po atë natë, rreth orës 05.00 të mëngjesit, një 19-vjeçar i dyshuar u arrestua nga policia në rrugën August-Dürr-Strasse. Në rastin e të dyshuarit pak të dehur, oficerët gjithashtu siguruan armën e pretenduar të vrasjes. Me kërkesë të prokurorit të Karlsruhes, adoleshenti nga Kosova të premten është sjell para gjykatësit.
Sipas hetimeve të mëparshme, në banesën e viktimës 19-vjeçare ishin takuar disa të rinj gjatë natës për të konsumuar alkool së bashku. Sipas rrëfimeve të para të dëshmitarëve, i akuzuari ishte gjithashtu në banesën e viktimës dhe nga viktima u kërkua që të largohej nga ahengu. Gjatë një debati verbal në shkallët e banesës, personi i refuzuar tërhoqi një thikë dhe goditi disa herë pjesën e sipërme të trupit dhe krahët e pronarit të banesës, informon Shtegu.com.
Përderisa sulmuesi i dyshuar u arratis, dëshmitarët u përpoqën ta shpëtonin 19-vjeçarin dhe u mbështetën pak më vonë nga oficerët e policisë të cilët ishin thirrur. Megjithatë, deri në mbërritjen e një ekipi shpëtimi me një ambulancë, e gjithë ndihma erdhi tepër vonë për viktimën. Hetimet e mëtejshme mbi ngjarjen janë duke vazhduar.