Dy vite e gjysmë burg shqiptarit që theri serbin

21:03:21           2016-10-13

 
Në Gjykatën e qarkut në Meiningen të Gjermanisë, të enjten është dënuar një shqiptar 38-vjeçar me dy vite e gjysmë burg.

Sipas një artikulli të shkruar në „tag24“ të cilin e përcjellë „Shtegu.com“, shqiptari ka qenë i akuzuar për „tentim vrasjeje“, por është dënuar vetëm për veprën penale „shkaktim të lëndimeve trupore“.

Në muajin prill të këtij viti, shqiptari e kishte therë me thikë tre herë një shtetas afarist serb, pasi paraprakisht ishin zënë.

Pas kryerjes së aktit, shqiptari është lajmëruar personalisht në polici.

Pas vuajtjes së dënimit, 38-vjeçari do të dëbohet nga Gjermania.