08:26:49 2017-10-24
Pasditen e së hënës, Nderim K. ka shkaktuar një aksident të vërtetë me veturën e vet sportive në „Bodanstrasse“ në Konstanz, duke dalë nga rruga, mbi trotuar dhe duke goditur xhamin e një lokali. Dy kalimtarë të rastit mezi që kanë arritur t`i shmangen tragjedisë, ndërsa Nderimi ka kërkuar falje.
Pasditen e së hënës, Nderim K. (22) nga Kreuzlingeni nuk do ta harrojë shumë shpejt. Ai është gjendur para dritës së kuqe në Bodanstrasse në qendër të Konstanzës. Posa ndizet drita e gjelbër, ai i jep pak më tepër gaz veturës së vet sportive të llojit „BMW M4“.
Por, Nderimi bëri një gabim të madh, pasi asfalti ka qenë shumë i lagët për vetirën me 400-PS. Me këtë rast, Nderimi e humbë kontrollin mbi veturë, duke dalë nga rruga dhe duke goditur xhamin e një lokali. Dëmi material është llogaritur në rreth 70.000 franga zvicerane.
Dy kalimtarë të rastit mezi që kanë arritur t`i shmangen tragjedisë, duke pësuar lëndime të lehta, shkruan „Blick“, përcjellë „Shtegu.com“. Një ditë pas aksidentit, Nderimi ka kërkuar falje për veprimin e tij, duke pohuar: „Askend nuk e kam lënduar, dy kalimtarët janë lënduar kur ata i janë mënjanuar veturës time“.
Përkundër kësaj, Nderimi dëshiron tu kërkojë falje kalimtarëve, të cilët ende nuk i janë paraqitur: „E di se kam bërë gabim. Por, gjithashtu jam i vetëdijshëm se për çfarë bekimi mund të flitet kur askush nuk është lënduar“. E ëma e Nderimit është tmerruar nga aksidenti dhe me lot në sy deklaron: „Kush e di se çfarë ka mund të ndodhë, ky aksident ishte aq i panevojshëm“, ka përfunduar ajo duke mbuluar fytyrën me duar.