Grazi është në shok: një sulm me armë zjarri ndodhi në një shkollë në qarkun Lend pak para orës 10:00 të mëngjesit të së martës. Numri i viktimave vazhdon të rritet: deri më tani janë konfirmuar gjithsej dhjetë vdekje, përfshirë autorin e dyshuar
Një nga të shtënat masive më të këqija në historinë e Republikës së Austrisë ndodhi sot në Graz.
Një autor i krimit, me sa duket një ish-nxënës, thuhet se ka qëlluar në dy klasa në BORG Dreierschützengasse. Aktualisht ka raportime për dhjetë të vdekur dhe një numër dyshifror të të plagosurve rëndë, transmeton portali Shtegu.
Ndërtesa u kontrollua me kujdes. Autori i dyshuar i krimit thuhet se u gjet i vdekur në njërën nga
tualetet. Mësohet se 22-vjeçari ka qëlluar veten me armë zjarri. I riu ishte një ish-student në BORG dhe thuhet se e ka parë veten si viktimë të ngacmimit.
Banorëve iu kërkua që ta shmangnin zonën sa më shumë që të ishte e mundur. Zona u rrethua dhe u ngritën dy qendra kujdesi për njerëzit e shumtë të prekur.
Rreth mesditës, policia e vlerësoi situatën si “të sigurt” për popullsinë dhe automjetet e emergjencës po largohen ngadalë.