Çmendet shtetasi maqedonas, me 150 kilometra në orë nëpër zonën e vendbanimit

14:10:07              2016-06-30

Policia e Thurgaut në Zvicër, është duke hetuar në lidhje me një shtetas maqedonas 36-vjeçar, i cili në zonën e vendbanimit në Scherzingen TG, kishte vozitur me, pothuajse 100 km/h më tepër.

Më 22 qershor të këtij viti, pak pas orës 06 të mëngjesit, me veturën e tij VW Passat, ai ishte regjistruar nga një radar në rrugën Seestrasse, në drejtim të Münsterlingenit. Shtetasi maqedonas ka vozitur 149 km/h në vend të 50 km/h të lejuara, duke tejkaluar kufirin e lejuar për 99 km/h, thuhet në një komunikatë të policisë, njofton „Shtegu.com“.

Një vepër e deliktit mund të ngritet, po që se në zonën e vendbanimit tejkalohet kufiri i shpejtësisë prej 50 km/h. Me këtë rast, shtetasit maqedonas i është konfiskuar vetura dhe patenta e shoferit.