09:36:54 2019-03-19
Një çift bashkëshortor nga Säriswili i Zvicrës, dëshiron të heqë qafe gjelin e tij. Ai, rregullisht këndon pranë dhomës së tyre, duke ua prishur ëndrrat që herët në mëngjes.
Ai i cili këtyre ditëve do të udhëtojë për në Säriswil (Komuna ëohlen, pranë Bernës), mund të vërejë një shpallje të pazakonshme në fshat: Jepet falas një gjel i moshës dhjetëmuajshe, gjel i bukur, por i cili po e tepron me kukurisjet e tij herët në mëngjes, shkruan „20 Minuten“, përcjell Shtegu.com. Kukurisja e tij është klasifikuar pak si e zëshme“.
Për shkak të kukursijeve të zëshme, tashmë edhe fqinjët janë irrituar në atë masë, sa që rastin e kanë dërguar edhe në gjykatë. Shpalljen e ka publikuar zvicerani P. G., i cili nuk do të identifikohet me emrin e tij të plotë dhe i cili ka mohuar se gjeli u pengon të tjerëve: „Gjeli më pengon vetëm mua dhe bashkëshortes time“.
Gjeli gjithnjë vendoset pranë dhomës së gjumit, thotë banori nga Säriswili. Kukurisja e tij u shkon aq shumë në nerva në orën pesë të mëngjesit, sa që ata duan ta heqin qafe: „Ashtu si edhe shumica e njerëzve të tjerë, edhe ne do të donim që të flemë deri në orën shtatë“.
Gjeli i paemër ishte një nga pesë zogjtë që i rritën çifti bashkëshortor G., para dhjetë muajve. Dy gjela të tjerë ishin vrarë, ndërsa gjelin në fjalë vendosën ta rrisin që të përkujdeset për pulat. „Ai është xhentëllmen i vërtetë dhe kujdeset shumë mirë për pulat“, thotë G. Bëhet fjalë përnjë shpezë që nuk i frikëson njerëzit.
Për dhjetë ditë me radhë, shpallja qëndron e varur në Särisëil, por deri më tani askush nuk është paraqitur, njofton më tej Shtegu.com. Mirëpo, G. nuk brengoset shumë, pasi është i bindur se ndonjë fermë do ta adoptojë gjelin e tij.