09:12:26 2019-05-24
Të enjten, në Chur të Zvicrës ka ndodhur një fatkeqësi e rëndë. Një nxënës 14-vjeçar ka rënë nga një lartësi prej rreth dyqind metrash dhe ka humbur jetën.
Gjatë një ekskursioni tradicional në alpet zvicerane në Chur, një nxënës 14-vjeçar e ka humbur jetën në një mënyrëtragjike. Me klasën e tij, 14-vjeçari po udhëtonte nga Pizokel, nëpërmjet Juchs, për në Chur.
Pak para orës 17.00, ai u rrëzua në një kthesë të rrugës „Alpstrasse“ në Obere Val Parghera nga rreth 200 metra lartësi, informon Shtegu.com. Mjeku kujdestar vetëm se ka mundur ta konstatojë vdekjen e djaloshir të ri.
Të afërmit, shokët e klasës dhe mësuesit janë nën përkujdesje psikologjike. Prokuroria Publike dhe Policia Kantonale e Graubünden-it kanë filluar hetimin.
Ekskurzioni tradicional „Maiensässfahrt“ në Chur zhvillohet për më shumë se 160 vjet me radhë. Që nga viti 1854, nxënësit e Chur-it, të shoqëruar nga mësuesit, e realizojnë këtë shëtitje gjatë pranverës.
Në një mesazh për të afërmit, miqtë dhe të njohurit, këshilli i qytetit ka shprehur ngushëllime.
