Në mënyrë që të zbatojë detyrimet e karantinës në krizën e koronavirusit, brenda një jave Belgjika kontrolloi rreth 35 000 udhëtarë. Këtë e raportoi të dielën Agjencia e lajmeve Belga, duke cituar policinë federale.
Shumica e kontrolleve u zhvilluan në aeroport dhe stacione treni, por rreth 500 gjithashtu në rrugë, në zonën kufitare, informon Shtegu.com. Për shkelje të rregullave ka pasur gjithsej 98 raporte.
Të gjithë të kthyerit nga zonat e kuqe të huaja me numër të lartë të infeksioneve në Belgjikë, nga e enjtja kanë qenë në karantinë. Në ditën e parë dhe në ditën e shtatë të karantinës është dashur të bëhej një kontroll. Policia po kontrollon nëse të kthyerit belgë kanë plotësuar formularin e nevojshëm. Udhëtarët që nuk janë banorë të Belgjikës duhet gjithashtu të paraqesin një provë të freskët, negative të koronavirusit. Për udhëtime për më pak se 48 orëka përjashtime.
Belgjika me rreth 11.5 milion banorë kishte normat më të larta për kokë banori në Europë dhe 15 000 raste të reja ose më shumë, çdo ditë. Kufizimet e rrepta kanë ngadalësuar përhapjen. Vendi së fundmi regjistroi mesatarisht 1 601 infeksione të reja në ditë, siç njoftoi të dielën instituti shëndetësor Sciensano. Qeveria ka lëshuar një paralajmërim urgjent kundër udhëtimeve jashtë vendit sepse të kthyerit mund të sjellin virusin me vete.