Arrestohen disa shqiptarë që punonin ilegalisht në Gjermani

10:21:02                  2019-05-11

Pasditen e së enjtes, projekti i ndërtimit Träuble-Areal në zemër të Gerlingen iu nënshtrua një kontrolli nga zyrtarët e kontrollit financiar për punë ilegale në Gjermani.

Në mesin e 80 punëtorëve të kontrolluar, u gjetën gjithsej 12 punëtorë pa leje qëndrimi të vlefshëm dhe u arrestuan përkohësisht, shkruajnë mediat gjermane, përcjell Shtegu.com.

Personat nga Moldavia dhe Shqipëria të moshës 25 deri 44-vjeçare, ishin punësuar si ngjyrosës në projektin e ndërtimit dhe u befasuan nga arrestimi, nga ana e doganierëve.

Punëtorët kanë qenë të pajisur me leje qëndrimi afatshkurtër slloven. Në ndërkohë, punëtorët e transferuar në polici kanë marrë urdhra për dëbim.