Më 4 tetor 2020 rreth orës 16.00, një shtetas 23-vjeçar nga Maqedonia e Veriut në polici denoncoi se më 19 shtator 2020, një shtetas 29-vjeçar nga Maqedonia e Veriut në një lokal në rrethin e Vöcklabruck, atij i ofroi 10 000 euro nëse do ta rrahte një 21-vjeçar deri në komë. Po që se ai do ta dërgonte 21-vjeçarin në një vend ku 29-vjeçari do të mund ta vriste ose nëse ai e vriste 21-vjeçarin, ai do të merrte 20 000 euro.
Një shtetas tjetër 22-vjeçar nga Maqedonia e Veriut i cili ishte gjithashtu i pranishëm në këtë bisedë, dyshohet se e kërcënoi 23-vjeçarin duke i thënë se do ta vriste nëse do të bëhej shok me 21-vjeçarin ose do të binte në kontakt me të, informon Shtegu.com.
Motivi i këtij rasti ishte një goditje me thikë në shkurt të vitit 2019 në Regau, ku disa persona pësuan lëndime serioze dhe vëllai i 29-vjeçarit u plagos për vdekje, me sa duket që 21-vjeçari fajësohej për këtë.
Hetimet më të detajuara u kryen nga departamenti kriminal i komandës policore të rrethit Vöcklabruck (KKD) në përpunimin e çështjeve bashkëpunuese me stacionin policor Attnang-Puchheim. Prokuroria publike në Wels lëshoi një urdhër arresti për 29-vjeçarin dhe 22-vjeçarin, i cili u krye me mbështetjen e zyrtarëve nga LKA Austria e Epërme, EGS pas sondazheve dhe të akuzuarit u transferuan në burgun e Wels.
Të gjithë të përfshirët e këtij rasti vijnë nga rrethi Vöcklabruck.