Por këtë vit anulimi i disa rezervimeve në jug, kryesisht në Sarandë, ka bërë që të ulen disi çmimet e hoteleve dhe restoranteve në disa plazhe, por për qytetarët shqiptarë kostoja mbetet sërish e lartë.
“Çmimet janë më shumë të përballueshme për ndërkombëtarët sesa për shqiptarët, qofshin ato nga Shqipëria, Kosova apo Maqedonia e Veriut”, shprehet një pushues nga Kosova në Sarandë.
Situata e tensionuar politike në Shqipëri mund të ketë frenuar fluksin hyrës të pushuesve në këtë vend. Kriza politike në Shqipëri, që është zhvendosur me protesta shpesh të dhunshme ndaj institucioneve në rrugë, rrezikon të prishë imazhin e Shqipërisë për vitin në vijim./KOHA