Ambienti ynë letrar gjithnjë e më shumë po i nënshtrohet abuzimeve perfide, si një dukuri e heshtur që cenon vetë thelbin e krijimtarisë: lirinë, ndershmërinë dhe autenticitetin. Ky ambient është shndërruar në skenë interesash, rivalitetesh dhe marrëveshjesh të fshehta. Tashmë janë profilizuar disa grupime “letrare”, të cilat u ngjajnë krushqve që shkojnë për të marrë nusen. Gjithandej shkojnë dhe nuk e kuptojnë se e marrin të njëjtën nuse për burra të ndryshëm dhe, me shumë gjasa, pa vetëdije, nusen e shndërrojnë në lavire. Por, ambienti ynë letrar nuk e duron këtë perfiditet, ndaj dhe ua zhvesh kostumet e fustanet dhe, ndonëse ata nuk e ndjejnë, i lë lakuriq… Mos të harrojmë se ambienti letrar është pasqyra e një shoqërie. Kur abuzohet me të, në fakt abuzohet me kulturën, me vlerën e dijes dhe me shpirtin e krijimit. Kaq…
AMBIENTI YNË LETRAR, E NJËJTA NUSE NË DASMA TË NDRYSHME
Date: