07:33:28 2016-10-26
Alisetar Ramadani disa herë radhas ka apeluar deri te mërgata shqiptare që t`i bojkotojnë zgjedhjet e 11 dhjetorit, transmeton TetovaSot.
“Mos aplikoni që të mbushni formularin e KSHZ, sepse aty kërkohen informacione shtesë për të plotësuar përveç nr. amzë që e keni në Maqedoni. Kjo metodologji nuk duhet të aplikohet, sepse një herë na fshinë nga lista zgjedhore, tani kërkojnë të aplikojmë! Kjo është tallje me mërgatën, turp të kenë anëtarët e KSHZ që e mundojnë mërgatën në këtë mënyrë!
Ne apelojmë që mërgata të mos bie pre e asnjë partie politike, asnjë individi, të bëhemi unik kësaj radhe dhe të bojkotojmë zgjedhjet në diasporë. Mos i jepni legjitimitet zgjedhjes së 3 deputetëve sllavo folës përsëri.
Kushdo që ju thotë të dilni e të votoni ta dini se ju gënjen, edhe kësaj radhe do të fiton vota sllavo folëse.
Njësia 7 e zgjedhjeve duhet të shlyhet deri ne rregullimin e mirëfilltë të listës zgjedhore, e jo si të ju teket disave t’i rregullojnë listat zgjedhore, ndokush të mund të voton, ndokush të mos mund të voto”, shkroi Alisetar Ramadani në llogarinë e tij në Facebook. (TetovaSot)