Në Vjenë të Austrisë, të hënën në mbrëmje ka ndodhur një sulm terrorist ose ndonjë krim makabër në sheshin „Schwedenplatz“. Janë dëgjuar disa të shtëna, ndërsa njëri nga autorët thuhet se e ka hedhur vetveten në erë me një mjet shpërthyes. Thuhet se ka edhe autorë të tjerë në arrati. Policia kërkoi nga popullata që të shmangte frekuentimin e zonës përreth.
Sipas raporteve fillestare dyshohet se sulmi ka rezultuar me dia viktima dhe plagosje të shumta. Sipas Ministrisë së Brendshme austriake, me sa duket të paktën një autor i krimit është arrestuar. Dyshohet se një oficer policie është qëlluar dhe plagosur rëndë.
Sipas informacionit fillestar, një oficer policie thuhet se është qëlluar dhe është në rrezik për vdekje, shkruajnë mediat austriake, transmeton Shtegu.com. Policia aktualisht është duke rrethuar të gjithë zonën, ndërsa rruga „Rotensturmstrasse“ është mbyllur.
„Dukej si një shpërthim“, tha një dëshmitar okular për ORF. “Pastaj u konstatua se këto ishin të shtëna. Pastaj u vërejt një person që vraponte poshtë Seitenstetten i cili qëlloi ashpër me një armë automatike. Ai pastaj u kthye, poshtë, në (lokal), Roter Engel ‘nga atje në drejtim të sheshit Schwedenplatz. Ai vazhdoi të qëllonte, derisa erdhi policia dhe filloi me të shtëna”.
Dëshmitarët okularë raportuan „të paktën 50 të shtëna“. Siguria e brendshme e bashkësisë fetare izraelite në Austri udhëzon të gjithë qytetarët hebrenj të mos largohen nga banesat ose shtëpitë e tyre.