Aksident zinxhiror në Zvicër, nëntë persona të lënduar

Në tunelin «Eichtunnel» midis Lucernit dhe Sursee, mëngjesin e së premtes ka ndodhur një aksident i rëndë me 11 automjëete, në të cilin janë plagosur 9 persona, në mesin e të cilëve edhe dy fëmijë.

Rreth 11 automjete u përfshinë në një aksident të mëngjesit të së premtes, menjëherë pas orës 06.30 në tunelin «Eichtunnel» midis Lucernit dhe Sursee në aksidentin zinxhiror. Gjithsej nëntë persona janë lënduar, tha policia gjatë mesditës në një komunikatë, informon Shtegu.com. Në mesin e të lënduarve janë edhe dy fëmijë. Tetë persona janë lënduar lehtë, ndërsa njëri me lëndime më serioze.

Autostrda A2 është dashur të mbyllet për disa orë nga Sempachu në drejtim të veriut. Dëmi i shkaktuar arrin në dhjetëra mijëra franga. Ende janë të paqarta shkaqet e aksidentit.