20:20:08 2019-08-11
Mbrëmjen e së dielës (11.08.2019), pak para orës 17:30, në autostradën A1 midis Uzëil dhe Gossau, ka ndodhur një aksident i rëndë trafiku. Dy persona e kanë humbur jetën. Katër persona të tjerë janë pënduar rëndë. Shkaku i aksidentit ende mbetet i paqartë, shkruajnë mediat zvicerane, përcjell Shtegu.com.
Sipas hetimeve fillestare, një ish automjet ushtarak që ishte regjsitruar si automjet civil, për shkak të një defekti ka qëndruar në korsinë e emergjencës. Një veturë tjetër që po vinte në të njëjtin drejtim, e ka goditur nga prapa automjetin e palëvizshëm ushtarak. Me këtë rast, dy gra e kanë humbur jetën, ndërsa katër persona të tjerë janë plagosur rëndë.
Të dy viktimat ishin në veturën e regjistruar në Francë. Identiteti i personave të vrarë ende nuk dihet. Tashmë kanë filluar hetimet më të hollësishme për ndriçimin e plotë të rastit.
Në vendngjarje kanë dalur një kontigjent i madh i Policisë Kantonale St.Gallen, ekipe të shpëtimit dhe departamenti zjarrfikës lokal. Gjithashtu, janë mobilizuar edhe dy helikopterë shpëtimi.