Tefik Rashiti me gjasa reale për t`u zgjedhur si këshilltar komunal në qytetin e UEFA-s

Për pak ditë, në Zvicër do të fillojnë zgjedhjet komunale të rregullta. Në mesin e shumë shqiptarëve që do të kandidojnë në to është edhe bashkatdhetari ynë nga Llashtica e Gjilanit, Tefik Rashiti. Në Zvicër, Tefiki ka ardhur që në vitin 1985 përmes një kartele studentore që atëbotë studentëve u mundësonte punëim të përkohshëm gjatë pushimeve verore. Që nga sezoni 1994/95 ai u pajis me lejeqnëdrim të rregullt, duke u angazhuar me përkushtim të madh në çështjen e Kosovës. Kjo zgjoi kurreshtje te zviceranët dhe në këtë mënyrë ai filloi të integrohet edhe në jetën politike zvicerane, duke u integruar në mënyrë të shkëlqyeshme dhe duke u marr me sport automobilistik, teater e politikë.

Tefiki është i vetmi shqiptar që rreth viteve 2000 ka qenë këshilltar komunal në Nyon, informon Shtegu.com. Aktualisht, ai është kandidat për këshilltar komunal në Asamblenë e Qytetit të Nyonit (si kryetar i Cente Nyon).

Përndryshe, Tefiki është sipërmarrës i suksesshëm dhe me profesion, mekanik në fushën e avionëve ushtarakë. Ai është i përkushtuar për një shoqëri të drejtë, të ekuilibruar dhe të qëndrueshme. „Dua të ndjek një politikë konsensusi dhe, së bashku me partitë e tjera politike nyoneziane, të kërkojmë zgjidhjet më të mira për qytetin tonë. Qëllimi im është mirëqenia e banorëve të Nyonit dhe vetëm një qendër e fortë do të mundësojë dialogun që do të bëjë të mundur këtë lloj politike“, është i mendimit Tefik Rashiti, bashkatdhetari ynë nga Nyoni.