10:27:17 2017-10-27
Në atostradën austriake A4 është arrestuar një trafikant i dyshuar. Shtetasi serb dyshohet se natën e së mërkurës, me një automjet ka trafikuar ilegalisht shtatë persona nga Kosova në afërsi të Nickelsdorfit.
Automjeti me autotarga serbe është ndaluar në afërsi të Nickelsdorfit për një kontroll. Vozitësi 32-vjeçar është identifikuar me dokumente të vlefshme serbe dhe me patentë shoferi të vlefshme. Shtatë personat e tjerë nuk kanë mundur të legjitimohem dhe kanë shfrytëzuar mundësinë e parë që të arratisen. Policia austriake i ka ndjekur ata dhe katër prej tyre janë arrestuar.
Pak më vonë, një shtetas kosovar është arrestuar nga forcat e Bundesheerit austriak në afërsi të stacionit hekurudhor, ndërsa një tjetër paraditen e së mërkurës në autostradën A4. Pas personit të shtatë kërkimet janë në rrjedhë e sipër, thuhet në një komunikatë të policisë austriake, përcjellë „Shtegu.com“.
Udhëtarët ilegalë të moshës 16-, deri 32-vjeçare janë dërguar në Qendrën për pranimin e përkohshëm të të huajve Eisenstadt. Trafikanti i dyshuar i është dorëzuar Prokurorisë përkatëse për procedurë të mëtutjeshme. (Shtegu.com)