11:01:24 2017-10-19
Rreth 20 deri 30 qytetarë të Drezdenit në Gjermani, kanë protestuar kundër dëbimit të një familje nga Kosova.
Policia gjermane u ballafaqua me protestuesit natën e së mërkurës në të enjte, pohon një zëdhënës i policisë, shkruajnë mediet gjermane, përcjellë „Shtegu.com“. Ndaj dy protestuesve policia ka ngritur kallëzim penal, pasi gjatë përpjekjes për të shpartalluar bllokadën, ata kanë bërë rezistencë të ashpër.
Një nënë me tetë fëmijë është dashur të dëbohet gjatë të enjtes për në Kosovë. Sipas të dhënave policore, gjatë intervenimit të policisë në rrugën „Reichenauer Weg“ askush nuk është lënduar.