19:15:21 2017-01-20
Kryeqytetin e Austrisë e ka kapluar një alarm terrori: Sipas paralajmërimit të shërbimit sekret, një grup shqiptarësh radikal-islamik, në muajin janar ka planifikuar një sulm me granata në Vjenë. Një i dyshuar i grupit ka ardhur të premten në Austri dhe që atëherë është vëzhguar në çdo hap nga hetuesit. Pasditen e sotme, në lagjen „Favoriten“ të Vjenës, në skenë ka dalur njësiti antiterrorist austriak „Cobra“: Personi i dyshuar është arrestuar, ndërsa informatat që i posedojnë autoritetet austriake, flasin se „një grup shqiptarësh radikal-islamik“, kanë planifikuar një sulm terrorist në Vjenë, në periudhën prej 15-30 janar të këtij viti. Forcat e rendit janë vënë në gatishmëri të plotë, shkruan „Kronen Zeitung“, njofton „Shtegu.com“.
Sipas të gjitha gjasave, shqiptari i dyshuar dhe simpatizues i SHI-së, ka udhëtuar në Austri të premten nga Gjermania, ku e kishte rregulluar personalisht një mjet shpërthyes, për të kryer sulmin në Vjenë.
Autoritetet austriake e kanë vëzhguar kohë të gjatë atentatorin e dyshuar dhe pasditen e së premtes, rreth orës 18.05 e kanë arrestuar në „Quellenstrasse“.
Pas atentatit në një treg gjerman ku humbën jketën 12 persona, Austria e ka ngritur gatishmërinë e alarmit.