16:44:21 2016-12-09
Gjatë një zënke në lokacionin Favoriten të Vjenës në Austri, natën e së premtes është vrarë një shtetas 34-vjeçar polak, ndërsa bashkëkombasi i tij 37-vjeçar është plagosur rëndë, por jeta e tij nuk është në rrezik. Dyshohet se autori është shqiptar dhe për momentin është në arrati.
Rreth mesnatës, në një lokal në „Quellenstrasse“ është shkaktuar zënka në mes tre personave. Sipas dëshmitarëve të rastit, ajo është ashpërsuar deri në atë masë, sa që i panjohuri ka nxjerrë thikën dhe i ka goditur kundërshtarët.
Polaku 34-vjeçar ka pësuar së paku të goditura me thikë dhe ka vdekur rrugës për në spital, pas tridhjetë minutash. Shtetasi tjetër 37-vjeçar polak është dërguar në spital me plagë të rëndë, por jo të rrezikshme për jetë, shkruan „Kronen Zeitung“, njofton „Shtegu.com“. Autori ka arritur të largohet nga vendi i ngjarjes, ndërsa policia është duke punuar deri na zbardhjen e plotë të rastit.