03:44:54 2016-10-03
Kohë më parë, mediet botërore kishin informuar rreth ariut me emrin Tomi nga Shqipëria, i cili ishte keqtrajtuar nga pronari, për të organizuar spektakle për hir të turistëve, nëpër restorante të ndryshëm, pika karburantesh, hotele dhe plazhe në Shqipëri, duke e orientuar kafshën e gjorë në një ekzistencë të mjerueshme.
Tashmë, Tomi është liruar në Shqipëri, duke i falënderuar mbrojtësve të kafshëve. Me ndihmën e anëtarëve të kësaj organizate, të Ministrisë së Mjedisit dhe të policisë shqiptare, Tomi iu konfiskua pronarit të tij, i cili kishte refuzuar të kooperojë, njofton „Shtegu.com“.
Ekipi i shpëtimit e kishte dërguar Tomin nga Ulza, në kopshtin zoologjik në Tiranë, ku është rehabilituar me ushqim normal, e më pas është zhvendosur në parkun e arinjve në Prishtinë. Aty gjenden edhe dy arinjtë e tjerë Pashuku dhe Gjina, të liruar nga torturat, ndërsa në videot e mëposhtme mund të shikoni se si e shijojnë lirinë e çmuar, video të cilat kanë vërshuar botën dhe janë bërë hit në internet.