15:14:47 2016-07-01
Në minutën 109`të ndeshjes çerekfinale të KE 2016,në mes të Portugalisë dhe Polonisë, në Marsejë, një i ri shkaktoi huti të madhe tek spektatorët, duke u futur në fushën e futbollit. Ai kishte marrë drejtimin e sulmuesit portugez, Cristiano Ronaldo, ndërsa kujdestarët e ndeshjes arritën që ta ndalin dhe ta largojnë nga fusha.
Edhe pse në ekranin televiziv ai u vërejt shumë pak, identiteti i tij tashmë është sqaruar. Sipas asaj që shkruan «Bieler Tagblatt», bëhet fjalë për një 22-vjeçar, i cili arsimin e ka kryer në Brügg të Zvicrës. Edhe përkundër përpjekjeve të „“Blick“, për ta kontaktuar personin në fjalë, ai nuk është i kapshëm për opinio nin, gjë të cilën e konfirmon edhe e ëma e tij. Ajo është në pritje të ndonjë shenje jete për te. «Jam shumë e brengosur», ka pohuar ajo për „Blick“, njofton „Shtegu.com“. Ajo nuk e ka idenë se ku mund të gjendet djali i saj, por dyshon se ai është burgosur.
Sipas «Bieler Tagblatt», kjo nuk është hera e parë që praktikanti në fjalë ka shkatuar probleme në fushën e gjelbër: „Në një ndeshje futbolli , si lojtar i FC Besës nga Bieli, ai e kishte sulmuar një refer dhe për një vit të tërë i ishte ndaluar angazhimi në fushë. Sipas Adrian Kurtit, kapiten i ekipit të parë shquiptar FC Besa, për këtë shkak, ai nuk gjendet më në ekipin e parë të skuadrës.