Zyrtarët e BDI-së janë shpallur “persona non grata” në Lagjen Kodra e Trimave. Banorët kanë paralajmëruar se nuk do të lejojnë t’i vizitojnë, nëse do të provonin.
Ky fakt tashmë është duke nxitur reagime në rrjetet sociale.
Në njërën prej këtyre reagimeve, ish-diplomati Arsim Zekolli ka ironizuar zyrtarët e BDI-së. Ai ka publikuar një foto të bërë gjatë vizitës së Zoran Zaevit në këtë lagje dhe ka shpallur një “lojë shpërblyese”.
“Lojë shpërblyese nga vizita në Lagjen e Trimave sot. Gjeje në foto Ali Ahmetin, Menduh Thaçin, Artan Grubin, Bekim Nezirin, Sadulla Durakun, Musa Xhaferin, Abdylaqim Ademin, Beqir Hasanin, Bujar Osmanin…”, ka shkruar Zekolli. /SHENJA/