FTESË – Për sesione informuese rreth shërbimeve dhe mundësive për mbështetje për të moshuarit në qytetin e Cyrihut

Të nderuar bashkatdhetarë,

Konsullata e Republikës së Kosovës në Cyrih, në bashkëpunim me Qytetin e Cyrihut – Zyrën për të Moshuarit (Fachstelle Zürich im Alter), ju fton në dy sesione informuese në gjuhën shqipe rreth shërbimeve dhe mundësive për mbështetje për të moshuarit në qytetin e Cyrihut.

Sesionet informuese kanë për qëllim të informohen bashkatdhetarët tanë për të drejtat, subvencionet dhe mundësitë e banimit me mbështetje, duke siguruar qasje të barabartë në shërbimet komunale.

E premte, 31 tetor 2025 – Financimi i kujdesit në shtëpi
Informim mbi subvencionet dhe mbështetjet financiare për pensionistët me të drejtë për përfitime shtesë (AHV me Zuschüsse).

E premte, 21 nëntor 2025 – Regjistrimi për banesat komunale për të moshuarit (SAW)
Prezantim i sistemit të ri të aplikimit dhe shpalljes publike të banesave komunale të dedikuara për të moshuarit.

Vendi:
Konsullata e Republikës së Kosovës në Cyrih

Adresa:
Eugen Huber-Strasse 19a, 8048, Zürich

 Informacione shtesë:

Pjesëmarrja është falas dhe pa regjistrim paraprak

Gjuha e prezantimit: Shqip

Pas prezantimit ofrohet mundësi për pyetje dhe konsultime individuale

Ky aktivitet zhvillohet në bashkëpunim mes Konsullatës së Republikës së Kosovës në Cyrih dhe autoriteteve të Qytetit të Cyrihut.

Credits: Stadt Zürich, Fachstelle Zürich im Alter

Me respekt,
Konsullata e Republikës së Kosovës në Cyrih