Mbrëmë në ambientetet e Konsullatës së Republikës së Kosovës në Cyrih ishin të pranishëm shumë miq, krijues, artistë dhe dashamirë të artit, kulturës shqiptare në promovimin e monografisë “Parabolat e jetës dhe artit”, kushtuar skulptorit të njohur z. Mal Myrtaj, me autor z.Arsim Kajtazi
Ky aktivitet u organizua në bashkëpunim me Lidhjen e Krijuesve Shqiptarë në Mërgatë (LKSHM) dhe u bë një mbrëmje e mbushur me frymë arti, reflektim dhe krenari për krijimtarinë shqiptare në diasporë.
Në këtë ngjarje, përveç protagonistit të librit, morën fjalën z. Musa Jupolli, Kryetar i LKSHM, dhe z. Mentor Thaçi, Sekretar i Lidhjes, të cilët ndanë mendime të vlefshme për rëndësinë e këtij botimi.
U zhvillua gjithashtu një debat me skulptorin Myrtaj, që ndau përvoja e rrëfime frymëzuese nga jeta dhe arti i tij. Aktiviteti u moderua nga miku i misionit Dan Morina Da Mo.
Atmosferën e mbrëmjes e pasuroi me performancën e tij artisti Bexhet Sallai, ndërsa ngjarja u përcoll me interes edhe nga mediat shqiptare në Zvicër.
Fjalë miradie për të gjithë pjesëmarrësit për këtë mbrëmje të bukur që shqiptarët i bashkoi përreth artit, kulturës dhe shpirtit tonë kombëtar.
