Gazeta „Kronen Zeitung“ e Austrisë ka publikuar një shkrim për Hermine Naderer, e cila ka rrëfyer se si ka filluar të ndihmojë fëmijët në Shqipëri.
Gjithçka nisi me një udhëtim në Shqipëri. “Kur pashë vuajtjet dhe vështirësitë në këtë vend, u bë e qartë për mua që thjesht duhej të bëja diçka. Nga njëra ditë në tjetrën, fëmijët dhe të rriturit thjesht nuk dinin se me çfarë të jetonin“, përshkruan Hermine Naderer – dhe shpejt i ktheu mendimet e saj në veprim. Prej 15 vitesh ajo dhe ekipi i saj organizojnë dërgimin e ndihmave nga Austria e Poshtme drejt Shqipërisë, informon portali Shtegu. “Kemi filluar të kërkojmë e të mbledhim ndihma si veshje për fëmijë në një shkallë të vogël. Në vitet e para të fushatës i sollëm në Shqipëri me një minibus”, kujton Naderer.
42 ngarkesa kamionësh në vit
Me kalimin e viteve projekti u bë gjithnjë e më i madh. 42 kamionë lëvizin çdo vit nga Austria drejt Shqipërisë. „Sasia e ndihmave tani është rreth 1 700 metra kub në vit“, raporton Naderer me krenari. Ekipi i saj prej 28 vullnetarësh siguron që mallrat të ruhen dhe të sigurohen.