Mbi një vit pas krimit në Belgjikë, është arrestuar sulmuesi i dyshuar në Remich . Tani ai do të transferohet në Luksemburg.
Aldo Imandi, i kërkuar nga një urdhërarresti europian për tentativë vrasje, u arrestua në fundjavë. Ai u gjurmua në Bruksel dhe u arrestua atje të shtunën rreth orës 14:50, siç bëri të ditur prokurori publik në një komunikatë për media të hënën, informon portali Shtegu. I arratisuri po udhëtonte me një makinë me qira.
Zyra e hetimit në Luksemburg u kishte dërguar autoriteteve gjyqësore belge dokumentet e nevojshme për dorëzimin e të dyshuarit në Luksemburg, tha prokurori publik.
30-vjeçari dyshohet se ka qëlluar një person në Remich më 24 nëntor 2020. Viktima në atë moment kishte pësuar lëndime të rënda. Vetëm së fundmi Policia e Grand-Ducale e ka rinovuar thirrjen për një person në kërkim. Dy autorë të tjerë të dyshuar janë ende në kërkim.