Vacanze Romane është emri i restorantit-piceri në Interlaken të Zvicrës. Që nga fillimi i muajit, Billy Arifi nga Gostivari është qiramarrësi
„Ende nuk ka ndonjë kontratë në horizont“, pohonte rreth dy muaj më parë Jürg Zumkehr. Megjithatë, nënkryetari i Hotel Weisses Kreuz AG, ishte tashmë i bindur se një qiramarrës i ri do të gjendej për pronën që do të jepej me qira në katin përdhes të hotelit. Si pronar, AG kishte shkëputur kontratën me Christian Piredda, i cili drejtonte restorantin Da Rafmi.
Zumkehr ka pasur të drejtë. Pak ditë më parë, Billy Arifi dhe ekipi i tij mirëpritën të ftuarit e parë në restorant-piceri Vacanze Romane në Jungfraustrasse 2, shkruan „Berner Zeitung“, transmeton portali Shtegu. “Sigurisht që jam shumë i lumtur që mund ta drejtoj këtë restorant në këtë lokacion”, thotë Billy.
Dhe ajo që e kënaq veçanërisht Billyn është se katër punonjës nga ish ekuipazhi i Da Rafmi tani mund të vazhdojnë të punojnë në kompaninë e tij. Përfshirë ata dy kamerierë italianë që prej disa vitesh u shërbejnë mysafirëve në këtë restorant.
Billy personalisht, në sferën e hotelerisë që nga viti 1987. “Dhe i vetëpunësuar për njëzet vjet”, shton qiramarrësi i ri. Së fundmi ai drejtoi Ristorante Bella Vita del Lago në Oberhofen. “Duam të pozicionohemi këtu si një restorant miqësor dhe familjen”, thotë Billy.
Vacanze Romane është e hapur gjatë gjithë javës nga ora 10:00 deri në 23:30 me ushqime të ngrohta gjatë gjithë ditës. Menyja përfshin një shumëllojshmëri gatimesh nga kuzhina italiane, së bashku me një përzgjedhje të pasur picash.
LEXONI EDHE:
Billy nga Gostivari pushton gastronominë në kryeqytetin helvetik