Të premten në mbrëmje, në Oensingen, Policia e Kantonit Solothurn kreu një kontroll në një pronë, për dyshimin e lojërave të fatit të paligjshëm. Disa persona u gjetën duke luajtur, ndërsa u sekuestruan të holla të gatshme dhe pasuri të dyshimta kriminele
Për shkak të njohurive të policisë dhe informacionit nga popullata, të premten në Oensingen u realizua një inspektim i veçantë në një pronë. Punonjësit e Policisë së Kantonit Solothurn kanë mundur të gjejnë disa persona që luanin lojëra të paligjshme në lokal.
Gjatë inspektimit, u sekuestruan disa dhjetëra mijë franga në para, si dhe një armë dhe pasuri të dyshuara kriminale, informon Shtegu.com. Të gjithë personat e pranishëm u kontrolluan. Ndaj tyre do të ngiten padi për shkak të shkeljeve të ndryshme në fushën e Ligjit ekonomik dhe të punës dhe mosrespektimit të udhëzimeve të koronavirusit. Menaxhuesi i dyshuar, një kosovar 34-vjeçar, gjithashtu ka qenë aty i pranishëm dhe ndaj tij do të ngritet padi.
Policia u ndihmua në inspektim nga punonjësit e zyrës së prokurorit publik në Solothurn dhe Komisionit Federal të lojërave të fatit.