Menjëherë pas ngritjes, në Indonezi një avion i Kompanisë Sriwijaya Air u zhduk nga radari. Fillimisht aeroporti e kishte humbur radio kontaktin me të
Një avion në Indonezi e humbi radio kontaktin me aeroportin menjëherë pas ngritjes, shkruajnë mediat lokale. Ai u zhduk nga radari mbi det, informon Shtegu.com. Paraprakisht, ai kishte humbur rreth 3 000 metra lartësi brenda një minute.
Sipas Aviation Herald, bëhet fjalë për një Boeing 737-500 nga Sriwijaya Air.Fluturimi SJ-182 ishte rrugës nga Xhakarta për Pontianak në Indonezi. Aeroporti i Xhakartës konfirmoi se kontakti ishte humbur. Aktualisht nuk ka deklarata nga Ministria Indoneziane e Transportit dhe linja ajrore.
Në 14.40 pasdite me kohën lokale (08:40 e mëngjesit CET), kontakti me avionin u ndërpre, tha Adita Iraëati, një zëdhënëse e Ministrisë indoneziane të Transportit. Sipas raporteve nga Metro TV, avioni kishte 56 pasagjerë, përfshirë shtatë fëmijë dhe gjashtë anëtarë të ekuipazhit.