I ardhur nga Shqipëria në moshën 17-vjeçare, ai e bleu kompaninë nga punët e tij të verës Shqiptari Eridan Skana, në Francë erdhi që në moshën 17-vjeçare, pa folur as edhe një fjalë të vetme të gjuhës së Molierit. Ai e krijoi biznesin e tij dhe më pas bleu kompaninë ku punonte gjatë verës
Aktualisht, Eridani menaxhon me 60 punonjës Eridan Skana, tashmë 40- vjeçar, nuk qeshet shumë, por ka një buzëqeshje të lehtë. Ai punon dhe fantazisë i lë shumë pak vend. Ai është përgjegjës për fatin profesional të gjashtëdhjetë personave të ndarë në tre kompani. Dhe këtu janë edhe familja e tij, bashkëshortja dhe dy fëmijët e tij, Lena dhe Nolani. Në fakt, holdingu që ai krijoi për të mbikëqyrur tre kompanitë e Ecole-Valentin (25), Vesoul (70) dhe Rurey (25), quhet NS, inicialet e dy fëmijëve të tij. Eridan Skana punon në sinjalistikën rrugore.
Tani, me tre kompanitë e tij, ai ka panoramën e plotë për t’iu përgjigjur të gjitha ofertave të tregut publik, nga shënimi i dyshemesë deri te prodhimi i paneleve. Konkurrentët e tij quhen Bouygues, Vinci ose Lacroix Signalisation. “Po, grupe shumë të mëdha, por ne mund rivalizojmë“. Disa muaj më parë, Eridan Skana bëri emër për një veprim që goditi botën e vogël ekonomike të Franche-Comté. Ai bleu Franche-Comté Signaux në Rurey (Doubs) pasi kishte luftuar fort kundër një kandidati konkurrues. Franche-Comté Signaux është kompania ku ai filloi të punojë, kur arriti në Francë në moshën 17-vjeçare. “Aty punoi vëllai im, Alfredi, filloi si punë gjatë verës për ta paguar shkollimin tim në drejtësi dhe pastaj u punësova. I instalova panelet në të gjithë Francën, deri në Reunion. Ishte bukur. Pas kësaj, ishte një pikë ku nuk e kuptoja se ku donte të shkonte kompania. Ky ishte momenti që fillova ta gjej idenë time“.
Shumë vite më vonë, ai u kthye në kompaninë e tij të rinisë, informon Shtegu.com. “Pothuajse të gjithë i njohja, ishte kënaqësi t’i shihja përsëri. Gjithsesi, atyre u thashë se nuk jam më ai Eridani që e keni njohur dikur“. Ajo që i dha fund balansit në favor të tij gjatë blerjes së Franche-Comté Signaux në Rurey, ishte dëshira e tij për të mbajtur të gjithë, rreth tridhjetë persona, në këtë kompani në vështirësi reale. I punësova katër persona të tjerë, bleva pajisje të reja. Kjo kompani duhet t’u përgjigjet sfidave të ardhshme të rrugës inteligjente“.
Rrugën e tij ai e mori në moshën 17-vjeçare, duke lënë qytetin e tij të vogël Mirditë, në mes të enklavës së krishterë të Shqipërisë. “Prindërit e mi nuk ishin dakord, por unë nuk mund të qëndroja në këtë vend ku nuk mund të shihja një të ardhme. Shqipëria sot po adaptohet shumë shpejt, është një vend shumë mikpritës që banorëve të saj meriton t’u jepet një rast“. Nostalgji për Shqipërinë? „Jo, unë shkoj gjithnjë e më rrallë. Dhe Franca është aty ku është puna ime. Unë nuk jam i ndarë në mes të dy vendeve. Unë nuk jam këtu, në Francë, si parazgjedhje. Ky vend është i shkëlqyeshëm, mbase do të ishte më mirë të kishte një imigrim më të arsyeshëm. Është në interesin e saj të sjellë njerëz që i duhen me të vërtetë Francës. Australia, Kanada, nuk kanë asnjë problem me këtë. Çfarë mund ta fajësojmë sistemin francez? Jo shumë, nëse është vetëm në të djathtë apo në të majtë, disa e abuzojnë këtë …“.
https://www.youtube.com/watch?v=pDns6ZcfeqI