Ministri i Jashtëm zviceran, Ignazio Cassis, të premten ka filluar kandidaturën zvicerane për një vend në Këshillin e Sigurimit të KB në Gjenevë. Ana e fuqishme e Zvicrës është tradita e saj e gjatë e shërbimit të mirë
«Ne duam t`ia ofrojmë në dispozicion KB dhe Këshillit të Sigurimit traditën tonë të gjatë të shërbimit të mirë dhe aftësinë tonë për të bërë kompromise, shkruajnë mediat zvicerane. Që të dyja janë pjesë e ADN-së zvicerane“, tha këshilltari federal Cassis, në fjalimin e tij me rastin e 75 vjetorit të Kartës së Kombeve të Bashkuara. Departamenti zviceran i Punëve të Jashtme zgjodhi „Një plus për paqen“ si parullën e saj. Sipas Cassis, kandidimi i Zvicrës bazohet në një angazhim për një botë më të drejtë, paqësore dhe përfundimisht të jetueshme.
Ministri i Jashtëm zviceran Cassis, theksoi se një OKB e fortë është gjithashtu në interesin e Zvicrës, sepse ajo ka nevojë për një rend botëror bazuar në forcën e ligjit dhe jo në ligjin e më të fortit, transmeton Shtegu.com. Prandaj, Karta e KB është e rëndësishme. Ajo bazohet në vlerat e paqes dhe sigurisë, për të cilat është angazhuar gjithashtu edhe Zvicra, tha Cassis.
Për të festuar përvjetorin, ai prezantoi një vepër të madhe arti nga artisti zvicerano-francez Saype, në parkun Palais des Nations. Piktura prej 6000 metrash katrorë, e cila kryesisht ishte e spërkatur me shkumës dhe qymyr të ngjyrës ekzistuese, simbolizon modelin e përbashkët të së ardhmes, thuhet në një mesazh nga Departamenti i Jashtëm.