Koordinatori i ndihmës urgjente të Organizatës Botërore të Shëndetësisë(WHO) është skeptik se koronavirusi i ri mund të eleminohet aq shpejt, pas përhapjes marramendëse në të gjithë botën. Michael Ryan e tha këtë kësaj të mërkure në mbrëmje, në Gjenevë.
„Ky virus mund të bëhet vendor te popullata dhe mund të mos zhduket kurrë“, ka nënvizuar ai, informon Shtegu.com.
HIV, virusi që shkakton sëmundjen e mungesës së imunitetit, nuk është zhdukur kurrë më. Në rastin e HIV, bota ka arritur të krijojë ilaçe dhe masa parandaluese në mënyrë që virusi të humbiste tmerrin e tij. „Unë nuk dua t`i krahasoj sëmundjet, por duhet të jemi realistë“, ka përfunduar Ryan.