Një karrocë e gjelbër për fëmijë qëndron pranë binarëve – dëshmia e fundit se të shtunën rreth orës 18.00, në stacionin “Mannheim-Luzenberg” ka ndodhur një tragjedi e rëndë.
Një nënë 30-vjeçare po kalonte binarët e trenit me vajzën e saj njëvjeçare dhe djalin e saj trevjeçar, duke dashur të shkonte në drejtim të rrugës „Stationsstrasse“.
Pastaj erdhi një tren mallrash, i cili goditi nënën dhe fëmijët – që të tre vdesin nga goditja e fuqishme, shkruan „Bild“, transmeton Shtegu.com.
Nuk ka ndonjë indikacion se dikush tjetër mund të ketë pasur gisht në këtë tragjedi, hetuesit supozojnë se bëhet fjalë për një aksident.
Identiteti i viktimave ende nuk dihet. Sipas hetimeve të para, dyshohet se bëhet fjalë për një grua nga Europa Juglindore.