Revista zvicerane për konsumatorë e SRF „Espresso“ nxjerr në dritë një rast të pazakonshëm: Një pulë në Francë kushton 18 franga zvicerane, ndërsa në distributorin kryesor zviceran, e njëta pulë kushton 64 franga, shkruan „Blick“.
Ky ndryshim në çmim është vështirë të shpjegohet: Në prag të Festave të Krishtlindjes, një pulë në Coop kushtoi tre herë e gjysmë më shumë sesa në Francë. Kjo është raportuar nga revista për konsumatorë e SRF «Espresso».
Një dëgjuese e radioa ka dashur të blejë një pulë fshati në Kaiseraugst AG, por më pas hoqi dorë të blinte darkën e Krishtëlindjes. Disa ditë më vonë, të njëjtën pulë e gjeti në Saint-Louis të Francës, në një filial të Leclerc. Paketimi i njëjtë, prodhuesi i njëjtë, transmeton Shtegu.com.
Vetëm se çmimi në Francë ndryshonte ndjeshëm: Pula kushtonte hiq më shumë se 18 franga zvicerane. Në Coop ishte rreth 64 franga. Konvertuar në kilogramë: 8,65 franga në Francë, ndërsa në Zvicër 29.50 franga.
Coop duket se ka vërejtur se ndryshime të tilla në çmime nuk u pëlqejnë shumë konsumatorëve zviceranë. Një zëdhënëse për „Espresso“ ka deklaruar: „Ne do ta diskutojmë këtë me furnizuesin tonë dhe do ta kemi parasysh që vitin e ardhshëm të mos e sjellim në asortimentin tonë këtë produkt“. Sidoqoftë, ajo nuk ishte në gjendje të shpjegonte se si Coop e rriti aq shumë çmimin e pulës.