Në prag të Vitit të Ri, në Krefeld të Gjermanisë është djegur shtëpia e majmunëve. Më shumë se 30 kafshë, përfshirë shimpanza, orangutanë dhe dy gorilla më të vjetra, kanë ngordhur, thanë zjarrfikësit, policia, prokurorët dhe personeli i kopshtit zoologjik, transmeton Shtegu.com. Shkaku i zjarrit nuk është sqaruar ende, ka njoftuar policia gjermane.
Një zëdhënëse e kopshtit zoologjik raportoi se në mesin e kafshëve janë gjithashtu edhe lakuriq nate dhe shpezë. Shtëpia e majmunëve u dogj plotësisht nga zjarri. Një kafaz me gorilla përbrenda në afërsi, kishte shpëtuar pa pasoja, njoftoi kopshti zoologjik. Aty po banonte një familje e re me shtatë gorila.